Савол:
Зиёрат қилишим фарз бўлган қариндошлар сирасига кимлар киради?
Жавоб:
Мусулмон инсон аввало ўзининг энг яқинларига яхшилик қилиши, агар бирга яшамасалар уларни зиёрат зиёрат қилиб туриши фарз бўлган қариндошлари орасида аввало ота-онаси туради. Ота-онага яхшилик Аллоҳга ибодатдан кейинги ўринда турадиган фарз амалдир (Исро 17:23-24, Бақара 2:83, Луқмон 31:14, Аҳқоф 46:15).
Ота-онадан кейин энг яқин қариндошлари, кейин узоқ қариндошлари сираланади. Инсон имкони қадар аввало қариндошларидан хабар олиб туриши, уларга яхшилик қилиши фарздир.
Ундан ташқари, агар имкони бўлса яқин қўшни, узоқ қўшни, бева-бечоралар, мискину етимларга, йўлда қолиб кетган мусофирларга ҳам яхшилик қилиши керак (Бақара 2:177).
Мана шу ҳолат Аллоҳга қарз беришни энг яхши усулидир. Зеро, Аллоҳга чиройли қарз берганларга Аллоҳ ажрларини кўпайтириб беради (Бақара 2:245, Ҳадид 57:18).
Мана шу моддий ибодатлар охират учун қилинган энг яхши захира ҳисобланади.
