Хитойда юз бераётган вирус ҳақида нима дейсиз?

Савол: Хитойда юз бераётган вирус ҳақида нима дейсиз?

Жавоб: Бу ҳолатга қуядидек турлича ёндашиш мумкин:

• Агар Хитойдаги ҳолат (вирус) Аллоҳ таоло тарафидан Хитой ва унга ўхшаган халқларга юборилган бир бало бўлса, унда у балога қарши ҳеч ким ҳеч нарса топа олмайди.

وَمَا يَعْلَمُ جُنُودَ رَبِّكَ إِلَّا هُوَ ۚ

«Роббингни аскарлари (лашкарлари)ни Уни Ўзидан бошқа ҳеч ким билмайди» (Муддассир 74/31)

وَلِلَّـهِ جُنُودُ السَّمَاوَاتِ وَالْأَرْضِ ۚ وَكَانَ اللَّـهُ عَزِيزًا حَكِيمًا

Осмонлару ердаги лашкарларнинг барчаси Аллоҳникидир. Аллоҳ доимо ғолиб-устундир, тўғри қарор берувчидир” (фатҳ 48/7)

هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَّعَ إِيمَانِهِمْ ۗ وَلِلَّـهِ جُنُودُ السَّمَاوَاتِ وَالْأَرْضِ ۚ وَكَانَ اللَّـهُ عَلِيمًا حَكِيمًا

«Мўминларнинг қалбига сокинлик (хотиржамлик) солиб қўйган Аллоҳдир. Мўминларни Аллоҳга бўлган ишончи ортиши учун шундай қилди. Осмонлару ернинг лашкарлари Аллоҳникидир. Аллоҳ билади, тўғри қарор беради» (фатҳ 48/4)

ثُمَّ أَنزَلَ اللَّـهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَنزَلَ جُنُودًا لَّمْ تَرَوْهَا وَعَذَّبَ الَّذِينَ كَفَرُوا ۚ وَذَٰلِكَ جَزَاءُ الْكَافِرِينَ

«Сўнгра Аллоҳ Ўзининг Элчисини ва мўминларнинг қалбига сокинлик (хотиржамлик)ни солиб қўйди ва сизлар кўрмайдиган лашкарларни тушириб, (у билан) кофирларни азоблади.» (Тавба 9/26)

• Агар бу бало омматан келган бўлса, унда қуйидаги оятларни ҳам унутмайлик:

إِن يَشَأْ يُذْهِبْكُمْ أَيُّهَا النَّاسُ وَيَأْتِ بِآخَرِينَ ۚ وَكَانَ اللَّـهُ عَلَىٰ ذَٰلِكَ قَدِيرًا

«Агар Аллоҳ шуни муносиб билса, эй инсонлар сизларни (ер юзидан ёки яшаб турган юртингиздан ҳалок қилиб) кетказиб, ўрнингизга бошқа халқларни келтириб қўяди.» (Нисо 4/133)

وَرَبُّكَ الْغَنِيُّ ذُو الرَّحْمَةِ ۚ إِن يَشَأْ يُذْهِبْكُمْ وَيَسْتَخْلِفْ مِن بَعْدِكُم مَّا يَشَاءُ كَمَا أَنشَأَكُم مِّن ذُرِّيَّةِ قَوْمٍ آخَرِينَ

«Роббингиз ҳеч нарсага муҳтож эмас ва тамомий яхшиликлар манбаининг эгасидир. Агар у шуни муносиб билса, сизларни бошқа халқларнинг зурриёдидан пайдо қилгани каби, сизларни ҳам кетказиб юбориб, ўрнингизга ўзи муносиб билган бошқа халқни келтириб қўяди.» (Анъом 6/133) (Иброҳим 19) (Фатир 16)

• Агар Хитойдаги ҳолат бутун инсониятга бало эмас, балки имтиҳон ва огоҳлантириш сифатида юборилган бўлса, унда қуйидаги оятларни унутманглар:

وَلَقَدْ أَرْسَلْنَا إِلَىٰ أُمَمٍ مِّن قَبْلِكَ فَأَخَذْنَاهُم بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ

«Сизлардан аввалги умматларга ҳам элчилар юборганимиз аниқ. (Элчилардан) Кейин шояд тавба-тазарру қилиб қолишар деб уларни бало-офат ва зарарлар билан маҳкам ушлаганмиз.» (Анъом 6/42)

فَلَوْلَا إِذْ جَاءَهُم بَأْسُنَا تَضَرَّعُوا وَلَـٰكِن قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ

«Уларга бизнинг бало-офатларимиз етганида тавба-тазарру қилиб қолганларида эди! Лекин қалблари қотиб қолди ва шайтон уларга қилаётган ишларини чиройли қилиб кўрсатди.» (Анъом 6/43)

• Агар бу ҳолат бир огоҳлантириш бўлса, бундай огоҳлантиришлар авваллари ҳам бўган. Бу ҳақдаги бир оят қуйидагича:

فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلَاتٍ فَاسْتَكْبَرُوا وَكَانُوا قَوْمًا مُّجْرِمِينَ

«Улар (Фиръавн ва унинг ҳонадони)га тўфон, чигиртка, мита, бақа ва қонлар (қонга таъсир ўтказадиган вируслар)ни очиқ-ойдин огоҳлантирувчи белги (мўжиза)лар қилиб юборганмиз. Шунда ҳам улар ўзларини катта тутдилар ва жиноятчи қавмга айландилар.» (Аъроф 7/133)

Агар бу нарса Аллоҳ таоло тарафидан бир огоҳлантириш бўлса, бу касалликка қарши чора топилса ва буни инсонлар «биз ўзимиз топдик, буни бизга топишга имкон берган Аллоҳдир» демасалар, бундан кейин ҳам инсоният, хусусан ўша халқ ўзини тузатмаса, тавба қилмаса, Аллоҳ уларни ғафлат босиб турган ҳолатида жазолаши ёки бундан бошқа катта бир очиқ-ойдин бир бало билан ҳалок қилиб юбориши мумкин.