Савол: Товуқ гўшти ҳаромми?
Жавоб: Товуқ гўшти аслида ҳалол. Уни ҳалол экани ҳақида ҳатто шубҳа йўқ. Лекин, худди бошқа гўшти ҳалол ҳайвонлар каби сўйиб ўлдирилган бўлиши керак. Агар сўйилмай ўлдирилса нафақат товуқ, балки, мол, қўй, туя ва шу каби бошқа гўшти ҳалол ҳайвонларнинг гўштлари ҳам ҳаром бўлади. Бу ҳақда Моида сурасининг 3-оятида баён қилинган:
«Сўйиб ейиладиган ҳайвонларни ўзи ўлиб қолгани, қон, тўнғиз гўшти, Аллоҳдан бошқасининг исми айтилиб сўйилган ҳайвон, бўғиб ўлдирилган ҳайвон, уриб ўлдирилган ҳайвон, йиқилиб ўлган ҳайвон, бошқа ҳайвонлар тарафидан сузиб ўлдирилган ҳайвон ва йиртқич ҳайвонлар қисман еб қўйган ҳайвонлар – жони чиқишидан аввал сўйиб олмасангиз сизларга ҳаром қилинди…» (Моида 5/3)
Бу оятга кўра, чорва ҳайвонми ёки парранда ёки қуч бўладими, гўшти ҳалол бўлгани билан, агар сўйилмасдан ўлиб қолган бўлса, унинг гўштини еб бўлмайди.
Сўйиш масаласига келсак, уни айнан инсон ўз қўли билан сўйган бўлиши шарт эмас. Чунки, бошқа оятда овга ўргатилган ит овлаб келган ҳайвон ҳам мусулмонларга ҳалол қилинган:
«Аллоҳ сизларга ўргатган шаклда йиртқич ҳайвонларни овчи қилиб ўргатган ҳайвонларингизга келсак, улар сизларга тутиб келтирган ҳайвонларга Аллоҳнинг исмини айтиб еяверинглар. Аллоҳдан тақво қилинглар. Зеро, Аллоҳ тез ҳисоб олувчи зотдир.“ (Моида 5/4).
Демак, фабрика ва заводларда сўйилган товуқларнинг гўшти ҳалол эканида шубҳа йўқ. фақатгина, сувга бўктириб ўлдирилса,тўк билан ўлдирилса, уриб ўлдирилса, дори бериб ўлдирилса, тириклигида сувга солиб ўлдирилса ҳаром бўлади.
