Савол: Тижорат моллари учун ҳам закот бериш керак дейилмоқда. Тижорат молларидан ҳам закот берилиши ҳақида бирон бир далил борми?
Жавоб: Аллоҳ таоло шундай марҳамат қилади:
يَا أَيُّهَا الَّذِينَ آمَنُوا أَنْفِقُوا مِنْ طَيِّبَاتِ مَا كَسَبْتُمْ وَمِمَّا أَخْرَجْنَا لَكُمْ مِنَ الْأَرْضِ وَلَا تَيَمَّمُوا الْخَبِيثَ مِنْهُ تُنْفِقُونَ وَلَسْتُمْ بِآخِذِيهِ إِلَّا أَنْ تُغْمِضُوا فِيهِ وَاعْلَمُوا أَنَّ اللَّهَ غَنِيٌّ حَمِيدٌ
“Эй мўминлар! Қўлга киритган нарсаларингизнинг яхшиларидан ва сизлар учун ердан чиқариб берган нарсаларимиздан яхшиликка сарфланглар. Ўзингиз фақат кўзингизни юмган ҳолдагина оладиган даражадаги ёмон нарсалардан сарфлашга уринманглар. Билингларки, Аллоҳ бойдир, Унинг барча қилган ишлари чиройлидир.” (Бақара 2/267)
Оятдаги “қўлга киритган нарсаларингиздан (مَا كَسَبْتُمْ)” ифодасидан тижорат мақсадида ушлаб турилган моллар ҳам закот бериладиган моллар қаторига кириши очиқча маълум бўлмоқда. Пайг’амбар алайҳиссаломдан келтирилган бир ривоят қуйидагича:
Самура б. Жундубдан ривоят қилинишича, у шундай деди: Шубҳасиз Расулуллоҳ (сав) сотиш учун тайёрлаб қўйган нарсаларимиздан закот беришга буюрар эди.” (Абу Довуд, Закот 3).
Алоқадор оят ва ҳадисни биргаликда ўқийдиган бўлсак, тижорат моллари ҳам закотга тобе экани билинмоқда.
Закотни ҳисоби олинаётган вақтда тижорат молларини ўша вақтдаги сотилиш нархларини эмас, қўлида мол ҳисобида турган ҳолатини ҳисоблайди.
