Савол:
2018 йил бир арзимас жанжалимизда турмуш ўртоғим “уч талоқ қилдим” деди. Бу ҳақида бирдан ўзимни онамга айтгандим, маълум вақт аразлашиб юрдик. лекин мен ҳам у киши ҳам бир уйда яшайвердик, идда ҳам тутганим йўқ. Кейин ярашиб кетдик ва одатдагидек яшайвердик эр-хотин бўлиб, Маълум вақтдан кейин никоҳ ўқитиш керак деб никоҳ ҳам ўқитдик (қайта ўқитган никоҳимизда мулла, турмуш ўртоғим ва мен қатнашганмиз). Бундан кейин 3- фарзандим дунёга келди. Охирги вақтлар кўп интернет тармоқларида уч талоқдан кейин бирга яшаш мумкин эмас, никоҳига олиш ҳам мумкин эмас, деган мавзуларни кўп ўқиб, шубҳа ва гумонларим ортиб кетди. Мени саволим шундай: Мен бу ҳолатимда қандай йўл тутишим керак?
Жавоб:
Ассалому алайкум! Бундай ҳолатда ўртангизда талоқ (ажрашиш/оила бузилиши) содир бўлмаган. Чунки, Қуръони каримнинг талоқ сураси ҳамда Бақара сурасидаги талоқ ҳақидаги оятларда талоқнинг шартлари баён қилинган. Сизларнинг ўртангизда бу шартларнинг бирортаси ҳам бўлмаган. Янгитдан никоҳ ўқитиш шарт эмас.
Агар ўша талоқдан кейин 3 ой ичида бирга яшамаган (бир ёстиққа бош қўймаган) бўлсангиз ва уйингиздан чиқиб кетган бўлсангиз эди, ана шунда илк 1 талоқ содир бўлган ҳисобланар эди.
Оила муқаддас ва мустаҳкам риштадир. Уни бузиш осон кечмайди. Ҳатто, 1 талоқ содир бўлиши никоҳ ўқитишдан ҳам қийин ишдир Қуръон кўрсатмаларига кўра.
Талоқ ҳақида қўшимча маълумот учун сизга қуйидаги ҳаволани ўқиб чиқишни тавсия қиламиз:
