Саид Нурсини шафоатчи бўлиши ҳақидаги сохта иддаоси
Нурчилар Саид Нурси шафоат қилишига ишонишади. Бу ҳақдаги уларни даъволари шундай:
“Оша нурнинг муборак таржимони ва муборак шахси маънавийсининг (Саид Нурси) қилган шу дуоси: “Бизларни, ота-оналаримизни, Рисолаи Нур талабаларини ва уларнинг ота-оналарини ҳам оташдан қутқар” каби дуоларининг ижобати, шафоати ва ҳурматидан,… унинг шогирдлари, хизматчилари ва рисолаларини сақлаб келган магазинлар қандай озод бўлиб қутилган бўлсалар, сизлар ҳам ўша муборак шогирдлар каби у муборак ва муқаддас доира ичига кирган замонингиз, дунё ва охиратнинг даҳшатли оташидан қутиласизлар ва оила ва фарзандларингизга бир маънода чўпонлик қилганингиз учун, ўша севимли кишиларингизни ҳам қутқариб қоласизлар. Ҳар бирингиз моддий ва маънавий роҳат-фароғат ва бахтга эришасизлар.”[1]
Эй Нурчилар! …Нурнинг шафоати, Нурнинг дуоси, Нурнинг ҳиммати сизларни қутқариб қолади.”[1]
Юқорида келтирилган иддаоларнинг барчаси Аллоҳнинг Китоби бўлмиш Қуръони Каримга мутлақо зиддир. Бундай иддаолар Исо алайҳиссаломдан кейин Христиан динига Павлос орқали киргизилган сохта маънавийликдан Ислом динига ҳам киргизилишига уринилган бир ҳаракатдир. Аниқ биламизки, дунёда ҳам охиратда ҳам ҳамма ўзи учун жавоб беради. Ҳар ким неки қилса ўзи учундир. Қиёматда Аллоҳ таоло амалларни тортиш учун ўртага қўйган амал тарозисида ҳамманинг ўз амали тортилади. Саид Нурси ҳали ўзи жаннатиликми ёки жаҳаннамликми номаълум бўлса-ю, қандай қилиб у бошқа инсонларни авлод-аждодига қўшиб жаннатга олиб кириб кетиши мумкин?! Дин Аллоҳникидир. Дин номидан гапириб, инсонларни Аллоҳни Китобига, Расулуллоҳни йўлига чақирмасдан, ўз шахсига ва ўз йўналишига буриш асли сохтакорлик ва янгича диний ташкилот қуриш ҳисобланади.
1) Эмирдғ Лаҳикаси (1 Мактуб Но: 81), а.г.э, c. 2, с. 1733.
