Савол: Ассалому алайкум қори ака, саломатмисиз. Бир саволим бор эди. Интернетда доктор Закир Найкни бир саволга жавобини эшитиб қолдим.
Рўза оғиз одам аёлига яқинлик қилса қул озод қилиш, ёки 60 кун кафорат рўзаси тутиши ёки, 60 та мискинни қорнини тўйдириши керак деди. Менда ёшликда бир неча марта шунақа бўлган эди. Зокир Найкга савол бера олмадим, сиздан сўрасам бўладими?
Жавоб: Ва алейкум ассалом. Рамазон ойи кундузи эр-хотинлик алоқаси қатъий тақиқланган (Бақара 2/187). Бу нарса хоҳ рўзадор бўлсин хоҳ рўза тутмаган бўлсин, фарқи йўқ. Ҳар иккала ҳолатда ҳам гуноҳкор бўлади. Агар рўза тутган бўла туриб бундай ишга қўл урган бўлса рўзаси бузилади – рўзасини охирига етказмаган бўлади. Энди у инсон Аллоҳга тавба қилиб пушаймон бўлиши ва қайтиб бу ишга Рамазон ойи кундузлари қўл урмаслиги керак. Бу ишнинг кафорати шу.
Сиз айтган 60 кун кафорат рўзаси ва 60 та мискинни едириб-ичириш масаласи зиҳорга алоқадор ҳукмлардир, рўзага ва рўзасини очиб юборишга алоқаси йўқ буни. Чунки, бир кунлик рўзасини қасддан очиб юборган инсон, йил бўйи рўза тутиб берса ҳам ўрнига ўтмайди[1].
Бу ҳаққида тўлиқ маълумотга эга бўлмоқчи бўлсангиз, сизга қуйидаги ҳаволаларни тавсия қиламиз:
Аллоҳ Белгилаб Қўйган Чегараларни Бузилиши ва Буни Рўзадаги Мисоли
[1] «Кимки Рамазон рўзасидан бир кунини узрсиз ва бемор бўлмагани ҳолда бузса, энди у умр бўйи рўза тутса ҳам бузган рўзасини ўрнига ўтмайди!» (Бухорий, Совм 29, Абу Довуд, Сиём 38, Термизий, Совм 27.)
