Савол: Исломда аборт қилдириш мумкинми? Мутахассис-врачлар болани қонида вирус борлигини тасдиқ қилишибди, агар бола туғиладиган бўлса ўзига анча жиддий шаклда зарар етишини айтишди. Бундай ҳолатда аборт қилдирса нима бўлади?
Жавоб: Исломда абортни рухсат, гуноҳ ва жиноят бўлган ҳолати бор.
- Рухсат берилган ҳолати: Агар ҳомилалик ва болани туғилиши онанинг ҳаётига ва саломатлигига жиддий зарар берадиган ҳолатда аборт қилдириш мумкин.
- Гуноҳ бўлган ҳолати: Агар дунёвий масаладан, яъни болани моддий таъминотидан қўрқиб ёки қандайдир моддий манфаатлари учун аборт қилдириш мумкин эмас.
Юқоридаги икки ҳолат, 4 ойга тўлмаган (120 кундан ўтмаган) 5-ойгача бўлган ҳомилаликка оитдир, агар 5-ойга ўтган бўлса асло мумкин эмас. Аллоҳ таоло бу ҳақда шундай марҳамат қилади:
وَلَا تَقْتُلُوا أَوْلَادَكُمْ خَشْيَةَ إِمْلَاقٍ ۖ نَّحْنُ نَرْزُقُهُمْ وَإِيَّاكُمْ ۚ إِنَّ قَتْلَهُمْ كَانَ خِطْئًا كَبِيرًا
“Йўқсиллик қўрқуви сабабли фарзандларингизни ўлдирманглар. Сизларнинг ҳам уларнинг ҳам ризқини Биз берамиз. Уларни ўлдириш, ҳақиқатда катта гуноҳдир.” (Исро 17/31)
- Жиноят бўлган ҳолати: Агар бола 5- ойга кирган бўлса ва на бола ва на онанинг саломатлигида хавф-хатар бўлмаса, бундай ҳолатларда аборт қилиш мутлақо ҳаромдир ва диний жиноятдир. Чунки, ҳомилалик 5-ойга кирганида унга Аллоҳ таоло тарафидан руҳ уфланади.[1]
Руҳ ҳақида қўшимча маълумотга эга бўлмоқчи бўлсангиз, қуйидаги линкга қарашингиз мумкин:
[1] Мўминун 23/14
