Савол: Ҳомиладор аёлнинг иддаси қачон тугайди?
Жавоб: Талоқ сурасининг 4- оятига кўра, ҳомиладор аёлларнинг иддаси қорнидаги фарзандини дунёга келтирганида тугайди. Ана ўша вақтгача у аёл эрининг уйидан чиқмайди. Агар аёл ўз ихтиёри билан эрининг уйидан чиқиб кетган бўлса, аёл Аллоҳга осий бўлади, агар эри аёлини мажбурлаб уйидан чиқариб юборса, эри Аллоҳга осий бўлган ҳисобланади. Иддаси тугамагунча аёл эрини уйидан чиқмаслиги ва чиқарилмаслиги талоқ масаласидаги Аллоҳни чизган чизиғи ва белгилаб берган қонун-қоидаси ҳисобланади.
Фарзанд туғилмай туриб агар эр билан аёл яна бирга ҳаётини давом эттириб кетишни хоҳласалар, уларни ўртасидаги талоқ/ажрашиш жараёни охирига етмаган бўлади ва никоҳ қилмасдан аввалгидек ҳаётини давом эттириб кетишлари мумкин бўлади.
Агар идда ичида ҳақиқатда ҳар иккала тараф ажрашишга қарор берган бўлса, чиройли бир шаклда, аёлга берилган маҳр ва бошқа нарсаларни қайтиб олмасдан, ҳеч кимга зулм ва адолатсизлик қилмасдан ажрашишлари керак бўлади. Агар идда тугаганидан кейин яна оилани давом эттиришга қарор беришган бўлса, қайтадан никоҳ ўқилади ва уларни ўртасида биринчи талоқ содир бўлган бўлади.
