Савол: Шайтон ҳам Одам алайҳиссалом ҳам гуноҳ қилдилар, аммо шайтон кофир бўлди, Одам гуноҳкор бўлди. Бу иккиси ҳам гуноҳ қилган ҳолда, нега бири кофир, иккинчиси осий деб номланди?
Жавоб: Одам алайҳиссалом қилган гуноҳини гуноҳ эканини тан олди, у ишни ўзи қилганини ҳам тан олди ва қилган ишидан афсусланди, Аллоҳдан кечирим сўради. Шайтон эса, қилган гуноҳини тан олиб кечирим сўраш ўрнига, айбни Аллоҳга тўнгади ва бунга қисман бўлса-да ҳақли эканини кўрсатмоқчи бўлди ва шунга уринди. Демак ҳар бир инсон қилган гуноҳидан кейин айбини тан олиб, пушаймон бўлиб ўзини тузатса, у – Одам қилган ишни қилган бўлади. Агар қилган гуноҳидан афсусланмай, аксинча фахрланиб, гуноҳни сабабини Аллоҳга тўнкаб, ўзини тузатмай гуноҳда давом этаверса ва ўз орзу-ҳавасларини Аллоҳнинг буйруғидан олдинги ўринга қўйса, демак у шайтоннинг ишини қилган бўлади, натижада кофир деган тамғага гирифтор бўлиши мумкин.
