Аллоҳ таоло Қуръони Каримни Моида сурасининг 6- оятида қандай амаллар таҳоратни бузиши ҳақида қисқа ва лўнда қилиб билдириб ўтган. Оша оятни ҳукмига кўра, олд ва орқа йўллардан чиққан нарсалар таҳоратни бузади. Нос чекишни ҳожат чиқаришга ҳеч қандай алоқаси бўлмаганлиги боис, нос чеккан инсонни таҳорати бузилади дея олмаймиз. Балки, нос чекиш инсон саломатлигига маълум миқдорда зиён етказганлиги сабабли, биз бу ишни қилмасликка тавсия билдира оламиз, холос. Ҳеч қандай моддий ва на маънавий фойда келтирмайдиган бундай ишдан узоқ турилишини тавсия қиламиз.
Нос чекишга ўзини мажбурлаб кўниктириб олмагани каби, уни ташлаб юбориш учун ҳам ўзини мажбурлаши шарт эмас, озгина ирода ва қатъият бўлса кифоя эркак киши учун. Чунки, эркак кишилар аксарият ҳолатларда бир сўзли-мард боълишини исботлай олишади.
Агар носни таркибига ҳаром қилинган моддалар қўшилган бўлса, нос бутунлай ҳаром ҳисобланади.
