Савол: Мусулмонларни жаҳаннамга киришига сабаб бўладиган энг асосий иш нима?
Жавоб: Мусулмонларни жаҳаннамга киришига сабаб бўлган ишлардан энг биринчиси намоз ўқимаслигидир. Бу ҳақда Аллоҳ таоло шундай марҳамат қилади:
“(Дўзах аҳлига): «Сизларни нима Сақор (жаҳаннамига) киргизди?» (деганларида), улар: «Бизлар намоз ўқигувчилардан бўлмадик. Чорасизларга таом бергувчи ҳам бўлмадик. Бизлар беҳуда нарсаларга шўнғигувчи кимсалар билан бирга шўнғир эдик. То бизларга аниқ ўлим келгунича бизлар Қиёмат кунини ёлғонга чиқарар эдик.» (Муддассир 74/42-47)
«Бас, юзингизни тўппа-тўғри бу динга буринг; Аллоҳнинг яратган фитратигаки, инсонларни у фитратга кўра яратди. Аллоҳнинг яратганини ўрнини босадиган нарса йўқдир. Мана шу энг тўғри диндур. Лекин инсонларнинг кўпчилиги билмайдилар. Унга юзланган кишилар бўлинглар ва Ундан қўрқиб ўзингизни ҳимоя қилинглар. Намозни тўлиқ адо қилинглар ва мушриклардан/Аллоҳни иккинчи ўринга қўйгувчилардан бўлманглар!» (Рум 30/31)
Энг охирги оятда, «намозни тўлиқ адо қилинглар ва мушриклардан бўлманглар» деб, ширкни бенамозлик билан бир жойда келтириши, бенамозлик ширкка энг яқин гуноҳ эканини билдиради.
