Савол:
Мусулмонларни ЛГБТ га муносабати қандай бўлиши керак? Уни қўллаб қувватласа бўладими, ёки қарши чиқиш керакми? Қарши чиқиш керак бўлса қандай амалга оширилади?
Жавоб:
Аллоҳ таоло ҳар турли фаҳш ишни ҳаром қилган ва мусулмонларни аввало ўзларини ҳар турли фаҳш ишлардан узоқ туришга буюрган: (“Айт: “Келинг, сизларга яратган Эгангиз ҳаром қилган нарсаларни айтиб берай: Аллоҳга ҳеч нарсани шерик қилманг, ота-онангизга яхшилик қилинг, қашшоқликдан қўрқиб болалаларингизни ўлдирманг, сизларга ҳам уларга ҳам ризқни Биз берамиз. Фаҳш[1] ишларнинг очиғига ҳам яширинига ҳам яқинлашманг. Ҳақли сабабдан ташқари Аллоҳ ҳаром қилган жонни ўлдирманг.” Уни сизларга юклаган вазифаси мана шулардир. Балки, ақлингизни ишлатарсизлар!” (Анъом 6:145)
“Айт: “Яратган Эгам фақат ошкор ва яширин фаҳш ишларни, гуноҳ турларини, ноҳақ тажовузкорликни, у ҳақида ҳеч қандай далил туширмаган нарсани Аллоҳга шерик қилишингизни ва Аллоҳ ҳақида билмайдиган нарсангизни гапириб юришингизни тақиқлаган”. (Аъроф 7:33)
Жамиятда содир бўлаётган фаҳш ва бузуқликларга қарши эса жазо қўллашга ва бу ишда айбдорларга асло раҳм қилмасликка буюрган (Зинокор аёл ва зинокор эркакнинг ҳар бирига юз қамчидан уринглар . Агар Аллоҳга ва охират кунига ишонсангиз, Аллоҳнинг динини ижро этишда, у иккаласига ичингиз оғримасин ва мўминлардан бир жамоа уларни жазоланишига гувоҳ бўлсин. Нур 24:2, Аёлларингиз орасида фаҳш ишга қўл ураётган иккала аёлга ҳам (айбини исботлаш учун) орангиздан тўрттасини уларга қарши гувоҳ бўлишини талаб қилинглар. Агар гувоҳ бўлсалар, уларни то ўлгунча ёки Аллоҳ уларнинг фойдасига бир йўл пайдо қилгунча уйларида сақланг. Эркакларингиз орасидан фаҳш ишга қўл ураётган иккала эркакка ҳам озор беринглар (ранжитинглар). … Нисо 4:15-16), ёмонликларга асло кўмак бермасликка буюрган: (“Яхшилик ва тақвода ёрдамлашинглар, гуноҳ ва тажовузкорликда ёрдамлашманг. Аллоҳга жавоб беришни ўйланг; Аллоҳнинг жазоси қаттиқдир” Моида 5:2).
Бу ишлардан ҳақиқий тавба қилиб ўзини тузатган, қайтиб бу ишга қўл урмаганлар кишилар жазо ва озордан халос бўладилар: (Агар тавба қилса ва ўзларини тузатса, уларни тинч қўйинг. Чунки, Аллоҳ тавбага имкон берувчи ва меҳрибондир Нисо 4:16).
Демак, мусулмон киши аввало ўзини, оила-аъзоалрини, яқинларини бундай қабиҳ ва жирканч ишлардан узоқ тутиши, жамиятда ҳам бу каби разилликлар ёйилишига йўл қўймаслиги ва ЛГБТ га қўл урган кимсаларга қарши чиқиши керак. Ким буларга ёнбосса Аллоҳнинг қаҳрига учраши ва иккала дунёда ҳам азобга гифиртор бўлиши тайин: (“Мўминлар орасида жирканч/фаҳш ишлар ёйилишидан севинадиганларга дунё ва охиратда аламли азоб бор. Аллоҳ билади, сизлар билмаяпсиз.” Нур 24:19).
Мусулмон киши бу бало мени оиламдан узоқ, халқ орасидаги ёшларга юқса-юқаверсин дейиши мумкин эмас. Чунки ЛГБТ иши ҳам бир нави зулмдир. Зулм ва золимларга ёндашишнинг оқибати “оташ”дир: (“Ҳақсизлик қилувчи-золимларга ёндашманглар. Акс ҳолда, оташ сизга ҳам тегади ва сизларга Аллоҳдан бошқа дўстлар/хожалар бўлмайди. Кейин, сизларга ёрдам берилмайди.” Ҳуд 11:113).
Эй мўминлар, Аллоҳдан қўрқинг, ўзингиз ва яқинларингизни ҳар турли маънавий бузуқликдан ҳимоя қилинг, келажак авлодни ёт ғоя ва беҳаёликлардан ҳимоя қилинг. Бу иш нақадар разил иш эканини ёшларга ҳозирданоқ уқтиринг, токи кеч бўлмасин!
