Савол:
Нисо сурасининг 31-оятида, «катта гуноҳлардан сақлансангиз, сизлардан (кичик) гуноҳларингизни йўқ қилиб юборамиз», деган мазмунда оят ўқиб қолдим. Айнан қандай ишлар катта гуноҳ экани ҳақида маълумот бера оласизми?
Жавоб:
Қуръонда катта гуноҳ деб аталган гуноҳларнинг асосийлари қуйидагича:
Қуръон оятларини ва ундаги ҳукмларни яшириш (Бақара 2/159-163, 174-177).
Аллоҳга ширк келтириш (Нисо 4/48).
Зино қилиш (Исро 17/32, Нур 24/2).
Номусли ва пок аёлга зинокор деб туҳмат қилиш (Нур 24/4, 11-13).
Ноҳақ одам ўлдириш (Фурқон 25/68).
Етим молини ейиш (Нисо 4/2, 6, 10).
Тарози ва ўлчовдан уриб қолиш (Мутоффифин 83/1-3, Исро 17/35).
Ўғирлик қилиш (Моида 5/38).
Ислом аҳкомларида Аллоҳ белгилаб қўйган чегараларни бузиш (Нисо 4/14).
Оғзига келган гапни гапириб, Аллоҳ шундай деди, Аллоҳ бундай деди деб айтиш. (Ҳуд 11/18).
Ҳаром нарса ейиш (Бақара 2/273, Моида 5/3, Анъом 6/145, Наҳл 16/115).
Имони ва ватанини ҳимоя қилиш йўлидаги жангдан қочиш (Анфол 8/15-16).
Фоиз орқали фойда топиб ейиш (Бақара 2/275, 278-279, Оли Имрон 3/130).
Ота-онага ёмон муомала қилиш (Исро 17/23).
Мутакаббирлик қилиш (Нисо 4/36).
Сархуш ва маст қилувчи ҳар қандай ичимлик ёки гиёҳларни истеъмол қилиш ва қимор ўйнаш (Моида 5/90-91, Бақара 2/219).
Ҳаром ойларда жанг қилиш (Бақара 2/217).
Никоҳи ҳаром бўлган аёл-қизлар билан никоҳланиш (Нисо 4/22-24).
Инсонларни масжидлардан тўсиш, қайтариш, тақиқлаш (Бақара 2/214).
Аллоҳдан ваҳий олдим (пайғамбарман) деб иддао қилиш (Анъом 6/93).
Қуръон оятларидан юз ўгириш ва ундаги ҳукмларни тан олмаслик (Анъом 6/157, Тоҳа 20/124-127).
Қуръонга тушунарсиз бир китоб деб қараш (Зуҳруф 43/36-39).
Аллоҳ ўтмишдаги қилган гуноҳларимизни афв этсин, Ўз марҳамати билан жаннатига муяссар қилсин.
