Ассалому алейкум. Ҳижома тўғрисида сўрамоқчиман. Қуръонда келганми?
Ва алайкум ассалом. Қуръонда қон олдириш ёки олдирмаслик ҳақида оят йўқ. Лекин, ҳар бир ишни ўз мутахассисига мурожаат қилиш кераклиги ҳақида оят бор. Табобатни табибдан, уй қуришни устадан, электр токини улашни монтёрдан, синган ва чиққан жароҳатларни травматологдан. Шунинг учун, ҳижомани фойда-зарарлари ҳақида айнан ўша соҳа вакилларидан сўралади.
Ҳижама усулида даволаниш Пайғамбар алайҳиссаломдан олдин ҳам қўлланиб келинган, ундан кейин ҳам давом этиб келяпти. Бунга диний томондан Расулуллоҳ қаршилик қилмаган.
Шундай бўлсада, ҳижама қилдиришдан олдин, бу ишни яхши биладиган инсонлардан маслаҳат олинг. Чунки, баъзи бир ҳалол нарсалар борки, уни истеъмол қилиш кимларнингдир саломатилигига катта зарар келтиради. Демак, ўша ҳалол нарса айнан ўша инсонга тақиқлаб қўйилади. Бунга эса, соҳа вакили жавоб беради. Қатъий ишонч ҳосил қилиш учун айнан мусулмон мутахассисга учрашни тавсия қиламиз.
