Савол: Ҳайит намозини уйда ўқисам бўладими?
Жавоб: Масжидлар ёпиқ бўлганлиги учун, уйларда байрам намозларини ўқиш албатта мумкин. Бухорий ва Муслимда келтирилган Анас ибн Моликнинг ривоятига кўра, масжидларга чиқа олмайдиганлар, ёки уйлари масжидлардан жуда узоқ бўлган мусулмонлар уйларида ўзлари ҳайит намозини адо этишлари керак.
Шофеий ва Моликий мазҳаблари ҳам айнан мана шу ҳадисларни асос қилиб олган ҳолда, ўқиш мумкинлигига рухсат беришган.
Рамазон байрами намозини Бақара сурасининг 185-ояти ҳукмига кўра, Қурбон байрами намозини эса, Ҳаж сурасининг 37-ояти ҳукмига кўра ўқиймиз ва бу оятларга кўра ҳар иккала байрам намозларини адо этиш фарз ҳисобланади. Ҳар иккала намозларда ҳам асосий рукнлари такбирлардир.
Байрам намозлари уйларда ўқилганида хутба ўқиш шарти бўлмайди. Чунки, зотан байрам намозлари учун азон ва такбир айтилмайди.
Проф. Др. Абдулазиз Байиндир.
Ҳайит намозини ўқилиш шакли қуйидагича:
Ҳайит намозига ният қилиниб намоз бошланади, сано айтилганидан кейин 3 марта такбир айтиб, ҳар бирида қўллар кўтарилади, 3 такбир ортидан Фотиҳа сураси ва зам сура ўқилади, кейин рукуъ ва саждалар адо этилиб, қайтадан тик турилади, Фотиҳа ва зам сурадан кейин рукуъга кетмасдан 3 марта такбир айтилади ва ҳар бир такбирда қўллар кўтарилади, ортидан одатдагидек рукуъ ва саждалар ҳамда ўтириб таҳийёт билан намоз тугатилади.
