Савол: Илм ва билимни фарқи нима? Фойдали ёки фойдасиз илм бўладими?
Жавоб: Илм -бир нарсанинг ҳақиқатини билиш, идрок қилишдир. Илм — ўқиш-ўрганиш ва тадқиқот, таҳлил этиш билан эришиладиган билим; кўникма, маълумот дегани. Билим араб тилидаги илм калимасининг таржимасидир.
Умумий олганда илмнинг фойдали ва фойдасизи, ёки зарарлилари ҳам бўлади. Масалан, диндаги баъзи масалаларни ўрганишдан мақсади ҳақ ва ҳақиқатни ўртага қўйиш эмас, балки бировни баҳсда енгиб маҳжуб қилиш учун ўрганилган илм зарарли илм ҳисобланади.
Диний илм олсаю, лекин унга амал қилмаса, буни ҳам фойдасиз илм дейилади.
Яна баъзи илмлар бор, уни ўрганиш мутлақо ҳаром, мумкин эмас. У на динга ва на жамиятга фойда келтирмайди. Фақат инсонларни алдаш орқали ҳам ўзига, ҳамда жамиятга зиён келтиради. У сеҳргарлик илмидир. У илм фақатгина алдов ва кўзбўямачиликдан иборатдир. ҳатто, Бақара сурасининг 102-оятида, сеҳргарлик қилганларни Аллоҳ таоло кофир деб атаган.
