Савол: Баъзи бир домлалардан эшитиб қоламанки, умматни фирқаланиши раҳмат эканимиш. Бунга нима дейсиз?
Жавоб: Асло бундай эмас. Аллоҳ таоло фирқаланиш ва бўлинишни қаттиқ тақиқлаган. Ундан ташқари қуйидаги ҳадисда Расулуллоҳ ҳам тақиқлаб айтган:
Башир ўғли Нўмондан ривоят қилинади: Набий алайҳиссалом минбарда туриб шундай деди:
“Озига шукр қилмаган – кўпига ҳам шукр қилмайди. Инсонларга миннатдорчилик билдирмаган – Аллоҳни берган неъматларини қадрига етмайди. Аллоҳнинг неъматидан чиройлик фойдаланиш шукрдир, уни тарк этиш эса нонкўрликдир. Бирлашишлик раҳмат/яхшиликдир, айрилиш/бўлинишлик эса азобдир/давомли қийноқдир.” (Муснад Имом Аҳмад, 18449)
(الجماعة калимаси – иттифоқ этиш, ҳаммаси бир бўлиб бир иш устида тўпланиш, бирлашиш маъносини англатади. Бунинг очиқча маъноси – инсонларнинг тилларида жуда машҳур бўлган “Умматимнинг ихтилофи раҳматдир” деган сўзга қаршидир. Чунки, “Умматимнинг ихтилофи раҳматдир” деб машҳур бўлиб ва ҳадис деб билинган сўз, бундай лафз билан ким тарафидан ривоят қилингани ҳам маълум эмас.)
