Савол: Асраб олинган фарзандлар ўша хонадонга маҳрам бўладими ёки номаҳрамми?
Жавоб: Исломда бола асраб олиб, уни ўз боласи қилиб олиш деган нарса йўқ. Балки, етим болаларни ҳимоясига олиш, уларни тарбиялаш ва вояга етказиб йўлга солиб қўйиш деган буюк инсоний фазилат ва одамийлик масъулияти бор (Бақара 2:220). Асраб олинган болалар номаҳрам, яъни никоҳланиш тақиқланган шахслар синфига кирмайди (Аҳзоб 33:37), улар ўша оиладан мерос ҳам олмайди ва ҳатто исм-фамилияси ҳам ўзгартирилмайди. Чунки, Аҳзоб сурасида Аллоҳ таоло шундай марҳамат қилади:
«…Боқиб олган болаларингизни ҳам ўз фарзандингиз қилиб бермади. Булар оғзингиздаги (қуруқ) гапларингиздир. Ҳақиқатни Аллоҳ айтади ва тўғри йўл кўрсатади.
Уларни ўз оталари номи билан чақиринглар. Аллоҳга кўра энг тўғриси шу. Агар оталарини билмасанглар, унда улар диний биродарларингиз ва дўстларингиздир.» (Аҳзоб 33:4-5)
Агар боқиб олинган бола хали ҳануз икки ёшга тўлмаган эмизикли ёшда бўлса ва ўша хонадондаги аёл киши болани эмизиб катта қилса, бу ҳолатда маҳрамлик пайдо бўлади ва ўша онадан тугилган бошқа болаларга эмикдош ака-ука бўлади. Икки ёшдан катта бўлган болалар эмизиб катта қилинган тақдирда ҳам эмикдош ҳисобланмайди. Чунки, болани тўлиқ эмизиш жараёни икки йил бўлади (Бақара 2:233).
