ЛАЪНАТИ КИМСАЛАР
Савол:
Кимлар лаънатга дучор бўлиши ҳақида Қуръонда хабар берилганми?
Жавоб:
«Лаънат» калимаси сўлзикда «ғазабланиш, қувиш, ҳайдаш, маҳрум қилиш» ҳамда бировни баддуо қилиш каби маъноларни англатади (Муфрадот). Аллоҳнинг лаънатига дучор болиш – Унинг марҳамати ва мағфиратидан, Ундан келадиган яхшиликдан ва охиратда жаннатидан маҳрум бўлиш дегани бўлади. Бундан барчамизни Аллоҳнинг Ўзи сақласин! Лаънатга дучор бўлишга қуйидаги ишлар сабаб бўлади:
- Аллоҳнинг амрига қарши чиққан/кофирлар (Бақара 2:88, Нисо 4:118).
- Ёлғончилар (Оли Имрон 3:61).
- Ноҳақ мусулмонни қонини тўкканлар (Нисо 4:93).
- Аллоҳнинг китобига ва ундаги ҳукмларга қарши чиқиб, китобидаги ҳукмларни яширадиганлар (Бақара 2:159).
- Оятларга бузиб маъно бериш (Бақара 2:75).
- Аллоҳга берган аҳдини бузадиганлар (Моида 5:13).
- Аллоҳ ҳақида билмаган нарсасини гапириш ва Унга нисбатан нолойиқ сифат айтиш (Моида 5:64).
- Ноҳақлик қилувчи золимлар (Аъроф 7:44, Ғофир 40:52).
- Аллоҳ ҳақида ёмон гумон қилувчи мушрик ва мушрикалар (Фатҳ 48:6).
- Иккиюзлик мунофиқлар (Тавба 9:68).
- Ер юзида бузғунчилик, фисқу фасод қилиб юрувчилар (Раъд 13:25).
- Номусли аёлларга зинода туҳмат қилиш (Нур 24:23).
- Аллоҳни қўйиб бошқаларни илоҳ қилиб олганлар (Анкабут 29:25).
- Аллоҳ ва Расулига озор етказмоқчи бўлганлар (Аҳзоб 33:57).
- Ёлғончи ва бўҳточилар (Оли Имрон 3:61).
