- Ихлос сураси[1]
بِسْمِ اللَّهِ الرَّحْمَٰنِ الرَّحِيم
Яхшилиги чексиз, эзгулик ва неъмат улашувчи – Аллоҳ номи билан.
112:1
قُلْ هُوَ اللَّهُ أَحَدٌ
Айт: “У Аллоҳдир, якка-ю ягонадир,
112:2
ٱللَّهُ الصَّمَدُ
Аллоҳ беҳожатдир[2].
112:3
لَمْ يَلِدْ وَلَمْ يُولَدْ
У туғдирмаган (ота эмас) ва туғилмаган (бола ҳам эмас)[3].
112:4
وَلَمْ يَكُنْ لَهُ كُفُوًا أَحَدٌ
Унга тенг келадиган ҳеч ким йўқ.”
[1] Ихлос Сураси, Маккада тушган, 4 оят. Тушиш тартиби 22, ёзилиш тартиби 112. Суранинг номи мана шу сурадаги тавҳиддан олинган. Яъни, инсонлар Аллоҳнинг зоти ва феълида Унга ҳеч кимни шерик қилмаслиги, Унинг Ўзигагина ибодат қилиши ва Унга тўғри маънода ишониб-суяниши кераклигига ишорат қилувчи оятларга холислик кўрсатиши кераклиги ҳақидаги оятлар мазмунидан олинган. Исломдаги соф имон-эътиқод тавҳидни, тавҳид эса ихлос ва самимиятни талаб қилади.
[2] Аллоҳни беҳожат экани ва қолган барча мавжудот унга муҳтож экани ҳақида яна бир оят: Роҳман 55:29.
[3] “Туғдирмаган” ва “туғилмаган” деганда, Аллоҳ бировнинг отаси ҳам, боласи ҳам эмаслигини ифода қилади. Демак, Аллоҳ бировнинг отаси ҳам эмас, бировнинг боласи ҳам эмас. Аллоҳ илоҳлик, салтанат, мулк ва ҳукмронлик, илм ва қудратни бировдан мерос қилиб олмаган ҳам, бировга мерос қилиб қолдирмайди ҳам. У Ўз зотий ва фе’лий сифатларида ёлғиздир.
Инжилга кейинчалик христианларнинг ўзлари тарафидан илова қилиб тўқиб киргизилган баъзи бир эътиқодларини хато ва ёлгъон эканини ҳам мана шу оят тафсилоти билан очиқлаб бермоқда. Яъни, баъзи бир христианлар: “Ота худо, бола худо”- деса, яна бошқалари: “Худо Марямнинг ўғли Исодир”, дейишади. Бу сурадаги оятлар ўша гапларнинг барcаси ёлғон ва бузуқ эканига далолат қилади. Буни яна (Нисо 4/171, Моида 5/17, 72, 73) оятлар ҳам очиқлаб беради.
[…] Ихлос […]