Савол: Халқ орасида “Пайғамбар меросхўрлари” деган гап юради. Бу ҳақда нима дейсиз?
Жавоб: Бу ҳақда бир ҳадисни сизга тақдим этамиз. Сиз ўзингиз бу ҳақда хулоса чиқариб оласиз.
Толҳа розияллоҳу анҳу: Абдуллоҳ б. Абу Авфодан “Расулуллоҳ а.с. васият қолдирганми?”, деб сўраган эдим, “Йўқ”- деб жавоб берди. Мен қайтадан: “Ўзи васият қолдирмаган ҳолда, инсонларга васиятни қандай қилиб фарз қилиши ёки буюриши мумкин?”, дедим. Шунда у: “Расулуллоҳ Аллоҳнинг Китобини васият қилиб қолдирди”- деб жавоб берди.[1]”
Саҳиҳи Бухорийнинг шарҳи Фатҳул-Қодийрда ушбу ҳадис қуйидагича изоҳланган:
“Аллоҳнинг Китоби васиятидан мурод – уни лафзларини маъноларига қўшиб ёдлаш, уни энг юқори даражада ҳурмат қилиш, асраб-авайлаш, душман юртларга у билан сафар қилмаслик, ундаги ҳукмларга эргашишлик, ундаги буйруқлани бажариш, ундаги тақиқлардан сақланиш, давомли ҳолатда маъноларини тушуниб ўқиш, ўрганиш, ўргатиш ва ҳк.” (Фатҳул-Борий, 9/67)
Қуръонга мана шу шаклда ёндашувчи кимсаларга Пайғамбарнинг меросхўрлари дейилади. Энди ўша кимсалар Қуръонни билганича амал қилиши, уни бошқаларга ҳам ўргатиши, инсонларни Қуръонга чақириши керак бўлади. Чунки Расулуллоҳнинг асосий иши Қуръонни инсонларга етказиш бўлган. Пайғамбарга меросхўр бўлиш учун у кишини қилиб ўтган ишини, вазифасини ҳам давом эттириш керак.
[1] Бухорий, Васоя 1, Мағозий 83, Фазоилул Қуръан 18; Муслим, Васият 16, (1634), Термизий, Васоя 4, (2120), Насоий 2, (6.240).
