Савол: Талоқ асносида иккита гувоҳ бўлмаса ҳам уларни ажрашгани ҳисобга ўтадими, ёки уларни ҳали ҳам бир оила деб қабул қилинадими?
Жавоб: Қуйида келтириладиган Талоқ сурасидаги оятларнинг ҳукмига кўра бундай ҳолатда талоқ воқе бўлмайди. Бу бизнинг қаноатимиз. Оятларни э’тиборга олмасдан бошқача фикр билдирганлар ҳам бор. Алоқадор оят:
فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِنْكُمْ وَأَقِيمُوا الشَّهَادَةَ لِلَّهِ ذَلِكُمْ يُوعَظُ بِهِ مَنْ كَانَ يُؤْمِنُ بِاللَّهِ وَالْيَوْمِ الْآَخِرِ وَمَنْ يَتَّقِ اللَّهَ يَجْعَلْ لَهُ مَخْرَجًا. وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا.
“Аёлларни муддати тугаганида, уларни ё маъруф билан ушлаб қолинглар ёки маъруф билан ажрашинглар. Ичингиздан ишончли икки кишини гувоҳ қилинглар, гувоҳликни Аллоҳ учун ўрнига келтиринглар. Мана шу нарса – ораларингизда Аллоҳ ва охират кунига ишонганларга қилинган насиҳатдир. Ким Аллоҳдан тақво қилса, У унга бир чиқиш йўлини очиб қўяди. Кутмаган жойидан унга ризқ беради. Ким Аллоҳга ишониб суянса, У унга етади. Аллоҳ, ишини Ўз ўрнига келтирувчидир. Аллоҳ ҳар бир нарсага бир ўлчи қўйиб қўйган.” (Талоқ 65/1-3)
Бу оятларга қаралганда, талоқ асносида иккита гувоҳ олиб келиш мажбурий шартлардан бири экани маълум бўлмоқда. Чунки, талоқ асносида аёли одатли вақтда эмаслиги, агар ундай бўлмаса ўша поклик вақтида эри у билан жинсий алоқага кирган ёки кирмаганлигини аёли эътироф этиш ёки этмаслиги ҳамда кутиш муддати тугаган ёки тугамаганлигини аниқлаш керак бўлади. Бу нарсаларга аниқлик киритиш учун эса, албатта гувоҳлар бўлиши керак. Шунинг учун ҳам, гувоҳсиз содир этилган талоқ шаръан ҳисобга ўтмаслигига қаноат қиламиз.
Бу ҳақда қўшимча маълумотга қуйидаги линк орқали эга бўлишингиз мумкин:
http://www.musulmonlar.com/?p=2672
Сулаймония Вақфи Фатво Бўлими
