Савол: Жуда қийин аҳволга тушиб қолган киши ҳатто тўнғиз гўштини ейиши ҳам ҳалол бўлганидек, жуда ог’ир вазиятга тушиб қолган киши ҳам кредит олиб о’зини тиккалаб олса бо’лмайдими?
Жавоб: Кредит – фоизли қарз дегани. Фоиз эса Ислом динининг энг қаттиқ тақиқлаган ишларидан бири ҳисобланади. Жуда ҳам қийин бир аҳволга тушиб қолган бир Мусулмон киши, ўлмай қолгудек ҳолатда ҳаром қилинган тўнғиз гўштини ейишига шариат рухсат берганидек, фоиздан ҳам айнан мана шундай жуда қийин аҳволга тушиб қолган инсонга ўша ҳолатдан чиқиб кетгудек кредит олиб, ўзини оғир ҳолатидан тиккалаб олиши учун рухсат берган.
Бошига тушган илк моддий қийинчилик туфайли дарров кредитга, фоизли қарзга ўзини уриши тўғри бўлмайди. “Ҳаромни ҳалол қиладиган зарурат” ҳар кимни ўз хоҳиш-истагига қараб мослаштириб оладиган иш эмас.
Ҳаётига хавф туғдирадиган даражадаги бир жиддий муаммога дуч келмай туриб, фоизли кредитга қўл уриши, Аллоҳ ва Расулига қарши уриш эълон қилган билан баробар бўлади.
Қўшимча маълумот учун Китоб ва Суннатда Фоиз номли ёзувга мурожаат қилиҳингиз мумкин.
Сулаймония Вақфи, Фатво Бўлими
