Ҳужурот 49/13- оятида “Сизлардан энг мукаррамларингиз – энг тақводорларингиздир” деб буюрилган. Демак тақвонинг ҳам даражалари борми?
Жавоб: Ҳа, албатта бор. Тақво – сақланиш, ҳимояланиш деган маʼнольарда ҳам келади. Инсоннинг энг асосий ва охирги даражадаги сақланиши керак бўлган нарса – бу жаҳаннамда абадий қолишдан сақланишдир. Бунинг учун Мусулмон киши ширкдан сақланиб, ундан узоқ бўлиши керак. Бу эса тақвонинг энг паст табақасидир. Жаҳаннамга асло кирмаслик учун эса, савоб ишлари гуноҳ ишларидан кўп бўлиши керак, демак гуноҳлардан сақланиб, савобларини кўпайишига уриниш, бу тақвонинг кейинги табақасидир. Агар катта гуноҳларни асло қилмаса, ёки қилган бўлса ҳам тавба қилиб, ўзини тузатиб имони билан ўлган бўлса, Аллоҳнинг ваъдасига кўра, унинг кичик гуноҳлари тўсиб беркитилади ва гуноҳ қилмагандек тўғри жаннатга кириб олади, бу эса тақвонинг энг юқори табақаларидандир.
