Савол: Баъзи жойларда жаноза намози ўқилишидан олдин, жанозага тўпланган кишиларнинг қўлларига майда-майда тошлар ва қуриган макка донлари тарқатилиб, бир қанча муддат ўтганидан кейин яна йиғиб олинади. Бу қандай амал? Бундай амал Қуръон ва Суннатда борми?
Жавоб: Жаноза намози ўқилишидан олдин ўликка талқин ўқиш мақсадида тош тарқатилиши умуман Қуръон ва Суннатда бўлмаган ишдир. Имон калимасини талқин қилиш, фақатгина ўлим онига яқинлашиб қолган кишига талқини қилиниши ҳақида ҳадис бор. Буни қилганлар, ўлишидан олдин имон калимасини айтиб ўлсин деган мақсадда қиладилар. Аммо ўлгандан кейин ўликка асло имон калимасини талқин қилишни фойдаси йўқ, чунки ўлган инсон яна тирилиб имон келтира олмайди ва ўлгандан кейинги имон-ишонч ҳеч кимга фойда келтирмайди. Бу ҳақда Наби алайҳиссаломдан келтирилган ҳадиси шариф шундай
“Ўлим они яқинлашиб қолганларга “Ла илаҳа иллаллоҳ” дейишни талқин қилинглар!” (Муслим, Жаноиз 1,2)
