Залзала сураси[1]
بِسْمِ اللَّهِ الرَّحْمَٰنِ الرَّحِيمِ
Яхшилиги чексиз, эзгулик ва неъмат улашувчи – Аллоҳ номи билан.
99:1
إِذَا زُلْزِلَتِ الْأَرْضُ زِلْزَالَهَا
Ер ўзининг қаттиқ силкинишида силкитилганида,
99:2
وَأَخْرَجَتِ الْأَرْضُ أَثْقَالَهَا
Ва ер юкларини чиқарганида,[2]
99:3
وَقَالَ الْإِنْسَانُ مَا لَهَا
Инсон: “Йерга нима бўлди экан?”, деб қолади.
99:4
يَوْمَئِذٍ تُحَدِّثُ أَخْبَارَهَا
Ўша куни ер ўзининг барча хабарларини айтиб беради[3].
99:5
بِأَنَّ رَبَّكَ أَوْحَىٰ لَهَا
Чунки Раббинг унга буларни билдирган[4] бўлади.
99:6
يَوْمَئِذٍ يَصْدُرُ النَّاسُ أَشْتَاتًا لِيُرَوْا أَعْمَالَهُمْ
Ўша куни ўзларининг қилмишлари кўрсатиб қўйилиши учун, инсонлар турли гуруҳларга бўлиниб олдинга чиқадилар.
99:7
فَمَنْ يَعْمَلْ مِثْقَالَ ذَرَّةٍ خَيْرًا يَرَهُ
ўшанда кимки заррача яхшилик қилган бўлса (ҳам) уни кўради.
99:8
وَمَنْ يَعْمَلْ مِثْقَالَ ذَرَّةٍ شَرًّا يَرَهُ
Кимки заррача ёмонлик қилган бўлса (ҳам) уни кўради[5].
[1] Залзала сураси, Мадинада тушган, 8 оятдан иборат, тушиш тартиби 93, ёзилиш тартиби 99.
[2] Яъни, ер остидаги ўликлар қайтадан тирилиб чиққанида. (Қаранг: Шўро 42/29; Анъом 6/38.)
[3] Ер қиёмат куни, маҳшарда жаҳаннамликларни жаҳаннамга киргизилиши арафасида тилга киради ва гапиради.( Қаранг: Намл 27/82, 85, Сажда 32/12-13, Қоф 50/29.)
[4] Ваҳий калимаси фақатгина элчи-фаришта воситасида пайғамбарга Аллоҳдан илоҳий сўз олиб келишнигина билдирмайди, балки, билдириб қўйиш, қалбига илҳом солиб қўйиш, буюриш ва ишора қилиш деган маъноларда ҳам ишлатилади. (Қаранг: Наҳл 16/68-69, Марям 19/11, Тоҳа 20/38.)
[5] Қиёмат куни китоб ўртага қўйилади. Ўшанда ҳар ким ўз қилган яхши-ёмон ишларини бирма-бир кўриб чиқади. (Каҳф 18/49)
